咁大副麻雀你打過未?打足四圈包你命都無

唔少老人家喜歡打麻雀,說可以預防老人痴呆;但其實唔少雀友都是年輕人,隨時一打就打通宵。當大家都只會坐在麻雀枱前,打著一副普普通通的麻雀之時,有無諗過,麻雀可以企晌度、跑住咁打?

藝術團體一鳴空間負責人陳麗喬在7月時,得到發展商借用一個快將清拆的工廈地鋪單位,她用來舉辦音樂會和市集,但籌備時間倉卒,一時之間找不到合適的觀眾席,又擔心音樂會完成後不知如何處置這堆椅子,「我哋突然間去邊度搵咁多凳返嚟,咁嗰陣時就諗到,既然係要搞呢個咁樣嘅活動,我哋有乜野可以造出嚟,可以玩又可以用。咁我就索性不如做副大麻雀,當凳坐,咁我嘅出發點只係做可以帶得走嘅一張凳。」於是,她便用了一個月時間,由畫圖到訂造,再運送到工廈,剛剛好趕上音樂會。

音樂會完結之後,這副大型麻雀試過用來做投影屏幕和航拍比賽的標距里程碑,卻未試過用來打牌。於是,陳麗喬決定和員工,在三缺一的情況下試打一鋪,還將過程拍成影片,放上社交網站與人分享。

怎料,影片得到大量網民觀看,「嘩,一覺唔覺意竟然有二百二十萬個view。」更有不少人問她有沒有落場打巨型麻雀的機會。所以她決定與眾同樂,舉辦「麻雀玩大啲」,歡迎市民組隊打巨型麻雀,而反應亦非常踴躍,很快便爆滿,令她考慮加場。她還透露,除了這副原本用來當椅子的巨型麻雀外,她還設計了一副以油尖旺作主題圖案的巨型麻雀,將來在西九會有活動。

其實打這副巨型麻雀就如做運動,需要不少體力,因為打一鋪要至少20分鐘,玩家要不停走來走去,取牌打牌。參加者Keith更說一定要分組和分工才玩到,「玩嘅時候,可能就係有一個人喺麻雀枱裡面,一個就係棟起牌嘅牌堆外面,就係做司令,即係話打邊隻拎邊隻摸邊隻咁。」他和朋友玩了兩鋪就停手,用十數分鐘洗牌疊牌令他們很快就疲累。不過,亦有玩家玩得興起,打足兩小時也沒停手,最終成功打了一圈。

製作這些巨型玩意是陳麗喬的興趣,「做咁巨型嘅嘢好dramatic。」除了這副巨型麻雀外,她更製作了一副巨型層層疊,玩起上來要站上椅子甚至木梯才夠高。除了這些玩樂用品外,她還將巨型的概念放上伸展台,造出巨型拉鏈,成為模特兒走貓步的台階。她的下一步,是將象棋巨型化,而Keith則希望將來有巨型啤牌或俄羅斯輪盤可以玩。

壹週Plus (2016-12-18)

發表迴響

%d 位部落客按了讚: